Россия Федерациясынын Президентинин басма сөз катчысы Дмитрий Песков азыркы дүйнөдө Түркиянын президенти Режеп Тайып Эрдогандай өз алдынча чечим кабыл алган саясатчылар аз деп эсептейт. Мындай пикирин ал «Россия-1» телеканалынын эфиринде журналист Павел Зарубиндин Москва, Кремль, Путин программасына берген маегинде суроолоруна жооп берип жатып билдирди.

«Албетте, бардыгы америкалыктардын коркунучтуу кысымына кабылууда. Ал эми бардык эле мамлекеттер өздөрүнүн суверендүү позициясын так аныктоого күч таба алышпайт», - деди ал.

«Ал эми бул жагынан, албетте, азыркы саясий Олимпте Эрдогандай адамдар өтө аз», - деп баса белгиледи Песков.

Кремлдин өкүлү кошумчалагандай, америкалыктар көптөгөн өлкөлөрдү экинчи даражадагы санкциялар менен коркутуп жатышат. «Маселен, бул жагынан бардык өлкөлөр Түркиядай эмес. Түркия менен пикир келишпестиктерибиз бар. Бирок Түркия дагы эле өз кызыкчылыгын көздөп, «ооба» деген жерде «ооба» деп ачык айтып, «Жок» деген жерде, «жок» дейт» - деп кошумчалады ал.

Төңкөрүштөн кийин Украина менен болгон карым-катнаштар жана мурунку жылдардагы мамилелерде жетишилген нерселердин көбү жок кылынганын айтып, Песков көп өзгөрүүлөргө чакырды.

«Кандайдыр бир жол менен биз алдыга жылып баратканбыз. 2014-жылы баары кыскартылган, бирок бул биздин эркибиз эмес, бул европалыктарды жакшы сездиби? Жок. Бул бизди жакшырттыбы? Жок. Бирок биз өзүбүздү өзүбүз камсыз кылган өлкөбүз, жана мен дагы эле биз саясий эркти сактайбыз деп үмүттөнөм, качан европалыктар америкалык бурбондон бир аз сергек болуп, алар дагы деле биздин континенттин - Европанын, атүгүл Евразиянын тагдыры үчүн өзүбүз кам көрүшүбүз керек деп ойлошсо, анда ал болот. Келгиле - бул кыска мөөнөттүү келечек эмес, - бирок андан кийин биздин мамилелерге кайрадан баа берүү жана баардыгы диалог абалына кирүүгө убакыт келет», - деп жыйынтыктады ал.

Булак: NazarNews.kg