21-декабрда Прагадагы Карлов университетинин имаратында ок атылып, жаракат алган 15 адам каза тапты. Дагы 25 адам жаракат менен ооруканага түшкөн.

Ок чыгарган адам кошо көз жумганын «BBC» жарыялады. Анын ысымы — Давид Козак, 24 жашта. Ал Прагадан 21 чакырым алыста жайгашкан шаарчада жашап, Карлов университетинин дүйнөлүк тарых жана философия факультетинде билим алып жүргөн.

Ал эми университеттин искусство факультетине бара жатканда өзүнүн атасына ок атып, өмүрүн кыйган. Ал окуу жайда теракт жасай турганын социалдык түйүндөгү баракчасына жарыялаганын жергиликтүү полиция тастыктаган. Анын ок атуучу куралды сактоого уруксаты бар болчу.

Булак: NazarNews.kg