Путин Батыштын сазайын берет

Журналист: NAZARNEWS

16.10.2023, 11:18

31443

дүйнө жүзүндө

Орус президенти Владимир Путин эгер Батыш Орусия менен согушууну кааласа, «бул таптакыр башка согуш боло турганын» айтты.

Бул тууралуу Путин «Россия» мамлекеттик каналына билдирди.

Украинанын «контр-чабуулуна» токтолгон Путин: «Токтоп калган контр-чабуул толугу менен ийгиликсиз болду»,-деди.

Путин орус аскер бөлүктөрүнүн кармашуу линиясындагы позицияларын жакшыртканын билдирди.

Орусия менен Кытай кайрадан аскердик блок түздү деген дооматка байланыштуу Путин: «Биз муну көп жолу айтканбыз. Биз мындай аскердик жана саясий альянска бирикпейбиз. Муну америкалыктар кылып жатышат. Анын үстүнө алар союздаштарын Орусия жана Кытай менен мамилесин начарлатууга мажбурлап жатышат»,-деп айтты.

Америка Кошмо Штаттарынын Конгрессинде Вашингтондун жана анын союздаштарынын Орусия жана Кытай менен бир убакта согушууга, анын ичинде өзөктүк жаңжал вариантын кароо сунушуна сереп салган Путин:«Эгер алар Орусия менен согушууну кааласа, анда бул таптакыр башка согуш болот. Эгерде негизги өзөктүк державалардын ортосундагы согуш тууралуу айта турган болсок, анда бул таптакыр башка окуя»,-деди.

Орусия менен да, Кытай менен да согушуу ыктымалдыгын «чанжырактык» деп сыпаттаган Путин мунун баарын олуттуу эмес деп эсептегенин жана бирөөлөрдү коркутуу үчүн күн тартипке чыгарылганын кошумчалады.