www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Россиянын президенти Владимир Путин Гренландия боюнча талаш АКШ менен Даниянын ортосундагы маселе экенин айтып, Москва бул темага кийлигишпей турганын билдирди. Бул тууралуу ал Коопсуздук кеңешинин туруктуу мүчөлөрү менен өткөн видеоконференцияда белгиледи.
Путиндин айтымында, Дания Гренландияга узак убакыт бою колония сыяктуу мамиле кылып келген. Ал бул мамилени “катуу, ал тургай ырайымсыз” деп мүнөздөдү. Ошол эле учурда, бул тарыхый баа берүү экенин, азыркы Россия үчүн бул түздөн-түз мааниге ээ эмес экенин кошумчалады.
Президент Даниянын буга чейин да өз аймактарын АКШга саткан тажрыйбасы бар экенин эске салды. Тактап айтканда, 1917-жылы Дания Виргин аралдарын Америка Кошмо Штаттарына өткөрүп берген. Ушуга таянып, Путин АКШ Гренландия үчүн 200-250 миллион доллар төлөсө болорун, ашып баратса бир миллиард доллар турарын билдирген.
Гренландия азыркы тапта Дания королдугунун курамында. АКШнын мурдагы президенти Дональд Трамп аралды Америкага кошуу керек деген оюн бир нече жолу ачык айткан. Бирок Дания менен Гренландиянын бийликтери мындай билдирүүлөргө каршы чыгып, өз аймактык бүтүндүгүн урматтоону талап кылып келишет.
< Предыдущий
Следующий >
Последние новости
