Президент Владимир Путин Советтер Союзунун кыйрашы көпчүлүк жарандардай эле ал үчүн да трагедия болгонун айтты. Бул тууралуу анын "Россия 24" телеканалында айткандарына шилтеме берип РИА Новости жазды.

"СССРдин ыдырашы деген эмне? Бул Советтер Союзу деген тарыхый Орусиянын кулашы", - дейт ал "Россия 1" телеканалындагы "Орусия. Соңку тарых" тасмасына берген маегинде.

1990-жылы бардык союздук республикалар өздөрүнүн закондорунун союздук закондордон артыкчылыгын белгилөө менен мамлекеттик суверенитет жөнүндө декларацияларды кабыл алган.

СССРдин кулашын токтотуу үчүн 1991-жылдын 17-мартында Советтик Социалисттик Республикалар Союзун сактап калуу боюнча референдум өткөн. Добуш берүүгө катышкандардын 76,4 пайызы Союзду сактап калууну жакташкан.

Булак: NazarNews.kg