Орусиянын президенти Владимир Путин Украинанын айланасындагы кырдаал жана коопсуздук кепилдиги боюнча «сүйлөшүүгө даяр» деп билдирди мамлекет башчынын басма сөз катчысы Дмитрий Песков CNN телеканалына.

«Эң башкысы, президент Путин ар дайым сүйлөшүүлөрдү жана дипломатияны талап кылып келет... жана чындыгында, ал Россия Федерациясынын коопсуздук кепилдиктери маселесин демилгелеген. Украина – бул көйгөйдүн бир гана бөлүгү, бул коопсуздук кепилдиги боюнча чоң көйгөйдүн бир бөлүгү. Орусия үчүн жана албетте президент Путин сүйлөшүүгө даяр», - деди Песков.

Акыркы айларда Орусия менен Батыштын мамилеси ого бетер курчуп, Украинанын айланасында кырдаал курчуду.

Вашингтон менен Брюссел Москваны «баскынчылыкка даярданууда» деп айыптап, орус аскерлери коңшу мамлекет менен чек арага тартылып жатканын жарыялашты.

Мына ушулардын фонунда Тундук Атлантика альянсы Чыгыш Европада езунун катышуусун чыцдоодо: ал жерге кошумча кучтерду жана согуштук контингенттерди жиберип жатат.

Эске салсак, Киев жана Батыштын саясатчылары соңку айларда Орусия аскердик күчтөрүн Украинанын чек арасына жакын жайгаштырып жатканын айтууда. Бирок алар Кремлдин позициясын кошкон эмес. Аскер күчтөрү өзүнүн аймагында каалагандай жүрө алат, бул эч кимге коркунуч жаратып жана сестентпеши керек.

ТИМдин билдиргенине караганда, «орусиялык агрессия» жөнүндө билдирүүнү чек аралаш региондордо НАТОнун контингентин көбөйтүүгө шылтоо катары колдонуп жатат. Мындай айыптоо күлкү келерлик, ошол эле учурда кооптуу.

Ал арада АКШнын президенти Джозеф Байден НАТО, Батыш өлкөлөрүнүн, Евробиримдиктин лидерлери менен болгон видеоконференцияда Орусиянын Украинага «кирип барышын» 16-февралда болот деп жар салган. Бул туурасында Politico гезити өзүнүн маалымат булактарына таянып билдирген.

Анткен менен европалыктар Байдендин жогоруда айткан датасы жана чатактан четтеп кетүүгө болбой калды дегенине кошулган эмес. Ал эми аткаминерлердин бири ЕБ буга баш койбой тургандыгын билдиргени айтылды.

Материалда «америкалык көптөгөн аткаминерлерге» шилтеме берилгени бекемделип, Вашингтондун союздаштарына Орусия кол салуусу катарлашкан ракеталык соккулар жана кибератакалардын жаралышын айтканын билдирген. Байдендин маектештери америкалык чалгын кызматынын маалыматтарын ишеңкиребей кабылдаганын басылма белгилеген.

Булак: NazarNews.kg