Бишкек шаарында 16-февралда бир үй-бүлөдөн үч кишини өлтүрүп кеттишкенин милициядан билдиришти.

Алардын айтымында, 16-февралда саат 21:00дөр чамасында милицияга борбор калаанын 5-кичи районунан үч адамдын – 1972-жылы туулган аялдын, 2005-жылы туулган кыздын жана жашы жете элек баланын сөөгү табылганы тууралуу кабар түшкөн.

Жүргүзүлгөн ыкчам-иликтөө иш-чараларынын жүрүшүндө кылмышка шектүү Баткен облусунун Кадамжай районунун 1986-жылы туулган А.Ч.К. аттуу жаран экени аныкталды.

Учурда милиция аны издеп жатат.