Өзбекстан төрт жыл мурун атомдук электростанцияны куруу планын жарыялаганда дүйнө башкача болчу. Бул тууралуу Eurasianet.org билдирди.

2018-жылы 19-октябрда Мирзиёев менен Путин Жизактагы АЭСтин курулушунун символикалуу конопкасын басышкан. 11 миллиард долларга бааланган атомдук электростанциянын орусиялык “Росатом” мамлекеттик компаниясы Москванын насыясына курмак болгон.

Орусия Украинага кол салгандан кийин долбоордун келечеги бүдөмүк абалда калды. Макалада Орусияга киргизилген санкцияларга байланыштуу “Росатом” менен кызматташуу кыйын болору белгиленген.

Колумбия университетинин Глобалдык энергетикалык саясат борборунун Коопсуздук тармагындагы эл аралык демилгелер директору Ричард Нефью “Росатом” санкциялык тизмеге кирбесе да, кедергиси тие турганын айтты:

“Каржы транзакциясы, технологияларды берүү тармагындагы бардык санкциялар бул сыяктуу долбоорду ишкер киргизүүгө жана бүтүрүүгө тоскоол болот”.

Бул арада “Росатом” Өзбекстанда атомдук электростанция куруу планынан кайта элек.

4-апрелде “Росатомдун” жооптуу аткаминери Вадим Титов:

“Азыр бул долбоордун деталдары иштелип жатат, биз АЭСтин курулушу – биздин өлкөлөрдүн кызыкчылыгына жооп берген эки тараптуу кызматташуунун маанилүү долбоору экенинбаарыбыз жакшы түшүнүп турабыз”, - деген.

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн "Украинаны демилитаризация жана денацификация" жасап жана Донбасстагы "жай жашоочулардын канына забын болгондорду" аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg