Быйыл Россияда "Өчпөс полк" жүрүшү көчөлөрдө уюштурулбай турганын кыймылдын теңтөрайымы Елена Цунаевага шилтеме кылып РИА Новостижазды.

"Коомдук коопсуздукка болгон коркунучтардан улам "Өчпөс полктун" борбордук штабы 2024-жылы жүрүштү көчөлөрдө уюштурбоону чечти", — деди ал.

Буга чейин Украина менен чектешкен айрым аймактар аталган иш-чараны өткөрбөй турганын билдиришкен. Цунаева акция жүздөн ашуун өлкөдө ар кандай форматта өткөрүлөрүн кошумчалады.

Акциянын Кыргызстандагы уюштуруучулары буга чейин Ош, Жалал-Абад, Кара-Балта шаарлары, Ленинское жана Ивановка айылдары жөө жүрүшкө даярданып жатышканын кабарлаган.

"Өчпөс полк" — Россияда жана башка өлкөлөрдө Улуу Ата Мекендик согуштун ардагерлеринин элесин түбөлүккө калтыруу максатында өткөрүлүүчү иш-чара. Ал биринчи жолу 2012-жылдын 9-майында Томск шаарында жергиликтүү журналисттердин демилгеси менен өтүп, 2013-жылы бүткүл Россияга жайылган.

2023-жылы акция ар кандай форматта өткөн. Маселен, ардагерлердин онлайн-базасына жана "Эстелик дубалы" долбооруна маалыматтарды, ардагерлердин сүрөттөрүн киргизип катышса болот.

Булак:NazarNews.kg