www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Өлкө башчы Садыр Жапаров мектепке чейинки жана мектептердеги билим берүүнү өнүктүрүүгө арналган жыйында Кыргызстанда 12 жылдык окууга каршы эмес экенин билдирди.
Жыйында билим берүү министри Догдуркүл Кендирбаева өлкөдө мектептерди 12 жылдык окууга өткөрүүнү сунуштаган. Президент "нөлүнчү класс 12 жылдык окуунун ичине киреби" деген тактоочу суроо узаткан.
Министр нөлүнчү класс 12 жылдык окуунун ичинде болорун айтып, бул учурда кандай өзгөрүү болорун түшүндүргөн.
"Азыр мектептердин баарында нөлүнчү класс же мектепке чейинки даярдоо класстары бар. Аларды мамлекет каржылайт. Биринчи класста ошол эле программалар кайталанат. Эгер 12 жылдык окуу кирсе, ошол нөлүнчү класстар 1-класс болуп, 11-класстар 12-класс болуп калат. Азыркыдан эч нерсе өзгөрбөйт. Окууну бүтөөрдө соңку үч жылда окуучулар ар кандай кесиптерге үйрөтүлөт. Балдар чач тарач, ширетүүчү, тигүүчү же ашпозчунун сертификатын кошуп алышат. Ал эми илим жаатына кетем дегендерге атайын класстар даярдалат", — деген Кендирбаева.
Минтистрдин түшүндүрмөсүн уккан соң президент сунушка макул экенин айткан.
Булак: NazarNews.kg
< Предыдущий
Следующий >
Последние новости
