www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Мамлекеттик салык кызматынын кызматкерлери рейддик салыктык көзөмөлдүн жүрүшүндө молекулярдык маркерлер менен маркаланбаган күйүүчү-майлоочу майларды ташуу жана сатуу фактыларын аныкташты.
Тактап айтканда, Чүй облусунун Сокулук районунда күйүүчү май маркалоосу жок жалпы көлөмү 60 миң 508 литр бензин ташып бара жаткан автотранспорт каражаты аныкталды. Алдын ала эсептөөлөр боюнча мыйзамсыз жүктүн жалпы базар баасы 3,6 млн сомдон ашат.
Мындан тышкары, рейддик иш-чаралардын жүрүшүндө Жалал-Абад облусунун Ноокен районундагы май куюучу жайда милдеттүү маркасы жок күйүүчү майды сатуу фактысы аныкталды. Текшерүүнүн жыйынтыгында АИ-92 үлгүсүндөгү бензин молекулярдык маркери жок сатылып жатканы белгилүү болду. Аныкталган күйүүчү майдын жалпы көлөмү 3,5 тоннаны түзөт.
Мыйзам бузуулар күйүүчү-майлоочу майлардын курамында молекулярдык маркерлердин жок экенин көрсөткөн атайын анализатордун жардамы менен аныкталды. Мыйзам бузуу фактысы ошондой эле «Учкун» ААКсында жүргүзүлгөн лабораториялык изилдөөлөрдүн жыйынтыгы менен тастыкталды.
Салык кызматынын кызматкерлери тарабынан тиешелүү актылар түзүлүп, чогултулган материалдар укуктук баа берүү жана Кыргыз Республикасынын мыйзамдарына ылайык тиешелүү чараларды көрүү үчүн укук коргоо органдарына жөнөтүлдү.
< Предыдущий
Следующий >
Последние новости
