www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Түндөгү жер титирөөдөн кийин Кыргызстанда жердин кайрадан силкинүүсү күтүлбөй турганын башкы сейсмолог Канат Абдрахматов билдирди.
"Жердин силкинүүсү биздин аймакта болгон жана боло берет. Биз негизи сейсмикалык жактан кооптуу аймакта жашайбыз. Бирок жакынкы убактарда кандайдыр бир апааттуу окуяларды күтпөйбүз. Глобалдуу дестабилизациянын белгилерин көргөн жокпуз. Кадимки эле тектоникалык процесстер жүрүп жатат", — деген ал "Кабар" агенттигине берген маегинде.
Абрахматов жер кайрадан катуу силкинет деген жалган маалыматтар менен элдин үшүн алган кабарды таратып жаткандар боюнча да пикирин айткан.
"Мунун баары, чынын айтканда, куру сөз. Мындай кабарларды ким эмне максат менен таратып жатканын түшүнбөйм. Андан эмне пайда табышат? Же аязда жылаңайлык, жылаңач көчөгө чуркап чыккан адамдарды көрүп ырахат алышабы? Бул адамдарды кыйнап, жаны жай алган кандайдыр бир таш боорлук, мен андан башка түшүндүрүп бере албайм", — деп белгилеген адис.
Эске салсак, түндө Кыргызстанда күчү 6 баллга чейин жеткен жер титирөө болгон. Жаратылыштын бул кубулушу Ысык-Көл, Нарын жана Чүй облустарынын аймагында катталган.
Булак: NazarNews.kg
< Предыдущий
Следующий >
Последние новости
