АКШ Борбор Азияга кирүүгө аракет кылууда. Бул тууралуу Россиянын тышкы иштер министри Сергей Лавров КМШнын ТИМ башчылары менен болгон жолугушуусунда билдирди.

Ага Шериктештиктин өлкөлөрүнүн ишине тышкы күчтөрдүн кийлигишүүсү боюнча талкууландыбы деген суроо берилген.

Лавров АКШ жана анын сателлит мамлекеттери КМШнын бардык аймактарына кирүүгө, ошондой эле Түштүк Кавказдагы кырдаалды жакшыртуу боюнча келишимди бузууга аракет кылып жатканын айтты. Министр АКШ Армения менен Азербайжандын ортосунда Россиянын жардамы менен жетишилген келишимдердин ишке ашуусуна жол бергиси келбейт, алар Борбор Азияга кирип кетүүгө аракет кылып, ачык эле РФке каршы багытталган форматтарды түптөп жатканын белгиледи.

"Ачык эле "биз постсоветтик мейкиндиктеги өлкөлөрдүн чыныгы көз карандысыздыгын камсыз кылышыбыз керек, алар Россиянын көлөкөсүнөн чыгышы керек" деп айтылууда. Ушундай эле мамиле Молдова жана башка аймактарга карата жасалып жатат. Биздин союздаштарыбыз жана стратегиялык өнөктөштөрүбүз күчтүү кысымга кабылды. Алар КМШ, ЖККУ, ЕАЭБ жана Шанхай кызматташтык уюмунун алкагындагы кызматташуунун бардык негизги принциптерин жакташат", — деди Лавров.

РФ ТИМ башчысы стратегиялык жактан алганда Батыштын иши оңолбой турганына ишенерин билдирди.

"Алар опузалоо, ультиматум жана коркутуу аркылуу КМШнын алкагында кызматташтыкты өнүктүрүүгө тоскоол болгон аракеттерди жасашат. Бирок бул бир жолку жагдайлар, алар Батыш диктатурасынан кутулуудагы жалпы иштерди токтото албайт", — деди Лавров.

Булак: NazarNews.kg