www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Москва соту тергөөчүлөрдүн эже-сиңди Хачатуряндардын атасы - Михаил Хачатурянга карата кыйноо жана сексуалдык мүнөздөгү иш боюнча кылмыш ишин козгоодон баш тартуусун мыйзамсыз деп тапты. Бул тууралуу ТАСС агенттиги кабарлады.
Эже-сиңдилердин адвокаты эгер иш козголсо, кыздар жабырлануучу катары катышарын билдирди. Буга чейин Тергөө комитети кыздардын атасы өлгөндүктөн, ага байланыштуу иш козгогон эмес.
Белгилей кетсек, Орусиянын Башкы прокуратурасы атасын өлтүргөн деп шек саналып жаткан эже-сиңдилерден айыпты январда алып салган.
Башкы прокуратура Тергөө комитетин эже-сиңди Хачатуряндарга коюлган айыпты «Киши өлтүрүү» беренесинен «Коргонуу» беренесине өзгөртүүгө милдеттендирген.
Эске салсак, 2018-жылы 57 жаштагы москвалык ишкер Михаил Хачатурян өз үйүндө бычакталып өлтүрүлгөн. Анын өлүмүнө байланыштуу ошол кездеги 17, 18 жана 19 жаштагы үч кызы камакка алынган. Тергөөдө Ангелина, Кристина жана Мария күнөөсүн мойнуна алып, мындай кылмышка атасы тынымсыз зомбулук көрсөтүп, күн көрсөтпөй койгонунан барганын айтышкан.
Булак: NazarNews.kg
< Предыдущий
Следующий >
Последние новости
