Кыргызстандын президенти Садыр Жапаров бүгүн, 19-майда, Бишкек ЖЭБинин абалы жана анын 2022/2023-жылдын күз-кыш мезгилинде иштөөгө даярдыгы менен таанышты. Бул тууралуу президенттин басма сөз кызматы билдирди.

Мамлекет башчысы Бишкек ЖЭБинин имаратын жана жабдууларын көрүп, турбиналык жана буу казан цехтеринин иши, жылуулук борбордун машина залын жана башкаруу системасынын жаңы блокторун, лаборатория менен таанышып, анда эмгектенген кызматкерлер менен баарлашып, алардын иштөө шарттарына кызыкты.

ЖЭБ директору Нургазы Курманбековдун айтымында, ишкана күнү-түнү иштейт, анткени ал Кыргызстандын электр энергиясын керектөөнүн 1/10 бөлүгүн камсыз кылган электр энергиясын өндүрүүнүн бирден-бир негизги булагы болуп саналат. Кышкы максималдуу жүктөмдөрдүн мезгилинде ЖЭБ 11 миллион кВт саатка чейин электр энергиясын иштеп чыгат, бул ири ГЭС иштеп чыккан электр энергиясына барабар.

Ал өткөн күз-кыш мезгилиндеги жылытуу мезгилинде Бишкек ЖЭБи электрдик жүктөмдү жогорулатып, Токтогул суу сактагычындагы сууну үнөмдөөнү камсыз кылганын билдирди. Бул энергетикалык объект стандарттык ЖЭБден айырмаланып турат, анын эки иштөө режими бар — жылытуу жана электрлештирүү, б. а. жылуулук энергиясын, электр энергиясын, ысык сууну жана бууну иштеп чыгат.

Бишкек ЖЭБине жыл сайын 1,5 млн тонна көмүр сатылып алынып, график боюнча үзгүлтүксүз келип турат. Мазут боюнча эч кандай көйгөйлөр жок, учурда жабдууларды керектүү пландуу оңдоо жана профилактикалык тейлөө иштери жүргүзүлүүдө. Бүгүнкү күндө Бишкек ТЭЦинин аймагында 283 089 тонна көмүр бар.

Директордун айтымында, ЖЭБдин аймагындагы бардык көмүрлөр салмактык көзөмөлдөн өтүп, келип жаткан катуу отундун сапаттык мүнөздөмөлөрүн аныктоо үчүн үлгүлөр алынат. Ошол замат лабораторияда кылдат талдоо жүргүзүлүп, күйүүчү майдын талап кылынган сапаттык мүнөздөмөлөргө ылайыктуулугу аныкталат. Быйыл сапатты көзөмөлдөө күчөтүлгөндүктөн 100 миң тоннага аз көмүр жагылган.

Үнөмдөлгөн 100 миң тонна көмүр 2022/2023-жылдын күз-кыш мезгилине 100 миң тоннага азыраак сатып алууга мүмкүндүк берет. Башкача айтканда, 1880 миң тоннанын ордуна 1780 миң тонна Кавак бассейниндеги көмүр (Кара-Кече көмүрү) сатылып алынат.

Мындан сырткары, жергиликтүү көмүрдү жагууга өткөндө 260 миллион сомго жакын үнөмдөлүшү күтүлүүдө. Бул Кара-Кече көмүрүнүн баасы былтыркы жылдын деңгээлинде — 1 тоннасы 3 миң 390 сомдон болгондо мүмкүн болот.

Ушул эле жерде мамлекет башчысы ыкчам кеңешме өткөрүп, анда «Электр станциялары» ААК жетекчилигине шаардыктарды жылуулук жана жарык менен камсыз кылып жаткан Бишкек ЖЭБинин кызматкерлеринин эмгек акысын жогорулатуу маселесин карап чыгып, жакынкы аралыкта чечүүнү тапшырды.

Президент Садыр Жапаров Бишкек ЖЭБинде пландалган бардык иштерди белгиленген мөөнөттө бүтүрүүнү буйруду.

Күз-кыш мезгилине карата даярдык көрүү тийиштүү иш-чаралардын планынын алкагында бекитилген бардык жумуштар толук көлөмдө жана өз мөөнөтүндө бүткөрүлүүгө тийиш, анын ичинде көмүрдүн белгиленген көлөмүн камсыз кылуу, учурдагы оңдоолорду аяктоо, кышында мүмкүн болгон жогорулатылган жүктөмдөргө жабдуулардын даяр болуусун камсыздоо.

Булак: NazarNews.kg