Классикалык китепканадан айырмаланып, окуганга ыңгайлуу шарт түзгөн жана ырахат тартуулаган ийгиликтүү мобилдик структура китеп сүйүүчүлөрү үчүн өзгөчө атмосфераны камсыз кылат.  Nudes архитектуралык компаниясы тарабынан жасалгаланган жыгач мобилдик китепкананын узундугу 36 метр. Китеп текчелерин ырахаттанып отуруп китеп окуганга ыңгайлуу отургуч катары колдонууга да болот.

Мобилдик китепкана долбоорун окуганды-жазганды билбегендер көп катталган аймактарга жеткирүү үчүн Түштүк Африка аймактарында куруу пландалууда. Ал эми сүрөттөгү китепкана Индиянын Мумбай шаарындагы бир паркка курулду. Мындай долбоорду учурда Индиянын бир нече аймагында ишке ашыруу үчүн даярдыктар жүрүүдө. Окуучулар үчүн ачык абадагы китепкана унутулгус сезимдерди калтырарын жергиликтүүлөр тынымсыз айтышууда.

Булак: NazarNews.kg