Президентттик шайлоого аз эле убакыт калганы менен талапкерлердин үгүт иштери, өздөрүнүн программаларыны элге тааныштырып жүргөн учурлары өтө сейрек болуп жатат. Буга байланыштуу  генерал Өмүрбек Суванлиев өзүнүн жеке пикрин билдирди:

«Чынын айтканда шайлоо алдындагы үгүт иштери байкалбай жатат деп айтсам болом. Буга октябрдын башында Орусиянын астрологу Светлана Драгандын өлкөдөгү катаал учурлар, сырткы фигуранттардын кийлигишүүсүн тизмектеп айтып бергени да себеп болушу ыктымал.

Анын айтымында Садыр Жапаров президент болбойт, башка жаш башкаруучу келет.  

Ал айткан прогноздордон кийин талапкерлер да чоочулап, өздөрүн жоготуп койгондой», - деди генерал.

Суваналиевдин айтымында мындай шайлоо өнөктүгүн мурда болгон эмес.

«Негизи январь айында эки иш-чара өткөнү жатат: Президенттик шайлоо жана Референдум. Буга караганда парламенттик шайлоодо саясий күрөш аябай күч болгон», - дейт ал.

Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.

Булак: NazarNews.kg