Ири суммадагы пара талап кылуу фактысы боюнча Бишкек шаарынын Свердлов райондук сотунун судьясы кармалды. Бул тууралуу УКМК билдирди.

Тактап айтканда 20-мартта Башкы прокуратура тарабынан козголгон кылмыш иши боюнча судья К.А.К. жана ортомчу кызматын аткарган адвокат Г.М.В. 12 миң доллар опузалагандыгы аныкталган.

Судья жактоочу менен жашыруун сүйлөшүү максатында видеокамералар жок жерлерде, тагыраагы дааратканада жолугушууларды өткөргөндүгү, ал жерде айрым айыпталуучулардан алган акчаны бөлүштүргөндүгү такталган.

21-мартта судья К.А.К. Судьялар кеңешинин чечиминин негизинде Бишкек шаарынын Биринчи май райондук сотунун токтому менен 20-майга чейин УКМКнын тергөө абагына киргизилди.

Булак: NazarNews.kg