Төлгөсү төп келген Света Тойгонбаева 4-октябрдагы парламенттик шайлоо тууралуу айтты.

-- 15-августтан кийин парламенттик шайлоо боюнча катуу аракеттер башталат. Шайлоого 7 партия ат салышат. Тилекке каршы 4 партия парламентке келет деген аян түшүп жатат. Чоң тирештер болуп, анын айынан президентке маселе жаралаган жагдайлар жаралып калышы ыктымал. Бул сапар парламентке жаштар, анан эл үчүн иштейм деген азаматтар көбүрөөк келет. 7-чакырылыштын депутаттары мамлекетти көтөрүү үчүн баш оту менен киришип иштешет. Буюрса, мамлекетибиздин туура нукта багыт алышына салым кошушат.

“Президент шайлоого кийлигишпейт, эл кимди шайласа ошолор депутат болот”

Баса белгилеп койчу жагдай бул шайлоо кимдир бирөөлөр ойлоп, санаркап жаткандай шайлоонун жыйынтыгы бийликтин кийлигишүүсү менен чыкпайт. Тагыраагы, эл кимди шайласа, парламентке ошол адамдар депутат болуп келет. Президент шайлоого таасир этпейм, кийлигишпейм, эл каалаганын шайласын, элдин элегинен өткөнү депутат болуп келсин деген позицияда турат. Ошондой эле кадрларды алмаштырып, иш билги адистерге басым коём, күчтүү команда түзүүнү пландап жатат. Эмнегедир бу жолу шайлоого аттанып жаткан партиялардын көпчүлүгүнүн капчыгы бөксө болуп, каражаты ченелүү болуп турат.

Булак: NazarNews.kg