www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргызстан менен Тажикстандын өкүлдөрү жалпы чек арадагы талаштуу тилкелер боюнча сүйлөшүүлөрдүн кезектеги этабын март айында өткөрүшөт. Бул тууралуу ТАСС Кыргыз Республикасынын министрлер кабинетине шилтеме берүү менен билдирди.
"2023-жылдын 10-мартынан 16-мартына чейин Кыргыз Республикасынын өкмөттүк делегациясы Дүйшөмбү шаарында Тажикстандан келген кесиптештери менен жолугушуу өткөрүп, анда мамлекеттик чек аранын жалпы тилкесин делимитациялоо жана демаркациялоо маселелери талкууланат", — деп билдиришти министрлер кабинетинен.
Кыргыз Республикасынын жумушчу тобуна министрлер кабинетинин чек ара маселелери боюнча атайын өкүлү Назирбек Бөрүбаев башында турган 15 адам кирди.
Кыргызстан менен Тажикстандын ортосундагы мамлекеттик чек аранын узундугу 980 чакырымга жакын. Аны делимитациялоо боюнча сүйлөшүүлөр 2002-жылдын декабрынан бери уланып келет. 2017-жылдан тарта Дүйшөмбү менен Бишкек бул процессти кыйла күчөттү. Учурда чек аранын өтүүчү сызыгынын үчтөн экисинен ашыгы аныкталып, мамлекеттер тарабынан өз ара таанылган, калган тилкелер талаштуу деп эсептелет.
Булак: NazarNews.kg
< Предыдущий
Следующий >
Последние новости
