18-ноябрь күнү Талас шаарынын тургуну 12 жаштагы кызы зордукталганын милицияга билдирген. Бул маалыматты Талас облустук ички иштер башкармалыгынын басма сөз кызматы ырастады.

Милициянын маалыматында: "18-ноябрь күнү Талас шаардык ички иштер бөлүмүнө Талас шаарынын тургуну кайрылып, 2008-жылы туулган кызы эки жаш өспүрүм тарабынан зордукталганы тууралуу арыз жазган. Арызында ал 17-ноябрь күнү саат 22:00 чамасында 12 жаштагы кызы 2004-жылы жана 2003-жылы туулган өспүрүмдөр тарабынан зордукталганын билдирген" деп жазылган.

Жергиликт милиция бул факт боюнча Кылмыш кодексинин 161-беренеси ("Зордуктоо") боюнча сотко чейинки өндүрүш иши башталганын кабарлады. Анын негизинде соттук медициналык экспертиза жүргүзүлүп, тергөө уланып жатат.

Кылмышка шектүулөрдүн аты-жөнү тууралуу маалымат таратылган эмес. 

Булак: NazarNews.kg