www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Ооганстандагы бийликти басып алган «Талибан» кыймылы БУУнун Башкы ассамблеясында чыгып сүйлөөгө мүмкүнчүлүк берүүнү сурады.
Баш катчынын маалымат катчысы Стефан Дужаричтин 21-сентябрда билдиргенине караганда, Антониу Гутерриш ассамблея ачыларга бир күн калганда, дүйшөмбүдө алардан кат алган.
Талибдер курган өкмөттүн тышкы иштер министри Амир Хан Муттаки кол койгон катта жогорку деңгээлдеги дебаттарга катышуу өтүнүчү айтылган. Андан тышкары БУУдагы өкүл катары Мохаммед Сухаил Шахиндин талапкерлиги көргөзүлгөн.
Шахин Катардагы тынчтык сүйлөшүүлөрүндө кыймылдын басма сөз катчысы болчу.
Муттаки мурдагы президент Ашраф Гани 15-августта төңкөрүлгөнүн, дүйнө өлкөлөрү аны «президент деп тааныбай калышканын», андыктан мурдагы элчи Гулям Исакзай Ооганстандын өкүлү боло албасын белгиледи.
Ошол эле маалда Баш катчы 15-сентябрда Исакзай сессияга катыша турган ооган делегациясынын тизмесин жөнөтүп, анда элчи Ооганстандын БУУдагы туруктуу өкүлү катары көргөзүлгөн, - деп кошумчалады Дужарич.
Ооганстанга Башкы ассамблеянын акыркы күнүндө, 27-сентябрда сөз берилмекчи. Өлкө атынан ким сүйлөрү белгисиз.
Булак: NazarNews.kg
< Предыдущий
Следующий >
Последние новости
