Казакстандын президенти Касым-Жомарт Токаев сел менен күрөшүүнүн алдыдагы он күнүндө эң оор күн болорун айтты. Бул тууралуу мамлекет башчынын басма сөз кызматы билдирди.

Ал белгилегендей, суу акырындык менен тартылып, бирок сел менен күрөшүү уланууда. Токаевдин айтымында, бийлик азыртан эле кырсыктын кесепеттерин жоюу жана жабыркаган объектилерди реконструкциялоо боюнча чараларды көрүп жатат. Президент кырсыктын кесепетинен жарандарга келтирилген зыяндын ордун толтурууга убада берди.

Эске сала кетсек, Казакстандын түндүк аймагындагы Тобол жана Ишим дарыяларында суунун деңгээли көтөрүлүп, суу ташкынына алып келген. Өткөн дем алыш күндөрү Петропавлдагы дамбадан суу ашып, шаардын бир бөлүгүн каптаган. Казак маалымат каражаттары өлкөдө сел башталгандан бери миңдеген үйлөрдү суу каптаганын кабарлашкан.

Буга чейин Орск шаарынын мэриясы Оренбург облусунун Казакстан менен чектеш аймагындагы жеке суу сактагычтан дамба ашып кеткенин билдирген. Тукай айылында сел коркунучу пайда болуп, эвакуация жарыяланды. Орскиге Меңдибай суусунун нугу менен суу келүүсү мүмкүн.

Булак: NazarNews.kg