www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Тажикстандагы Тоолуу Бадахшан автоном облусунун бейформал лидери Мамадбокир Мамадбокиров Хорог шаарында 22-майда өлтүрүлдү. Бул тууралуу маалыматты Ички иштер министрлигинин облустагы башкармалыгы кабарлады.
“Жекшемби, саат 17:30да Хорогдо ички криминалдык топтордун ортосундагы чырдын натыйжасында Мамадбокир Мамадбокиров өлтүрүлдү”, - деп жазылган анда. Расмий билдирүүлөрдө Мамадбокиров “Бархорог маале уюшкан кылмыштуу тобунун башчысы” деп аталып келген. Учурда облустун прокуратурасы окуя боюнча иликтөө баштаганы айтылды.
Кабарды "Азаттыктын" тажик кызматы - “Озоди” радиосуна Хорогдогу үч көз карандысыз булак тастыктады. Алардын маалыматына ылайык, Тоолуу Бадахшандын бейрасмий лидери өзү жашаган Бархорог кичи районунун Бойни маалесинде өлтүрүлгөн.
Мамадбокиров Тажикстандын чек ара кызматынын мурдагы офицери болгон. Анын аты Хорогдогу башаламандыктарда көп айтылып келген.
Тажикстандын Ички иштер министрлиги 17-майда тараткан билдирүүсүндө Хорогдогу соңку башаламандыктарды уюштурууга Мамадбокир Мамадбокиров, чет жактагы оппозициялык саясатчы Алим Шерзамонов жана көз карандысыз журналист, укук коргоочу Улфатхоним Мамадшоеваны айыптап, аларга карата кылмыш иши козголгон.
Булак: NazarNews.kg
< Предыдущий
Следующий >
Последние новости
