Жазык кодексинин «Мыйзамсыз баюу» беренесине шек саналып кармалган Жогорку соттун судьясы Камил Осмоналиев УКМКнын тузагына түштү. Белгилей кетсек, УКМК шектүү судьяны жакында кармаган. Атайын кызматтын маалыматы боюнча, Камил Осмоналиев киреше булактары жок туруп көптөгөн кыймылсыз мүлктү, Ысык-Көлдүн жээгинен абройлуу пансионаттардан коттедждерди, соода борборлорунан коммерциялык объектилерди жана люкс-класстагы автоунааларды сатып алган.

Мыйзамсыз тапкан мүлкүн башка кишилерге каттатып, өзү Бириккен Араб Эмираттары, Түркия, АКШ жана башка мамлекеттердин курорттук аймактарына байма-бай каттап турган. Бул ортодо ал коммерциялык ишканалардын бирине биргелешкен ишкерлик жүргүзүү максатында декларацияда көрсөтүлбөгөн 150 миң АКШ долларынан ашык акча бергени маалым болгон.

Ошондой эле өзүнүн чечими менен Бакиевдин үй-бүлөсүнө тиешелүү мүлктүн бир бөлүгүн мамлекеттештирүү боюнча 2010-жылдагы Убактылуу Өкмөттүн декретин жокко чыгарып, мамлекеттик казынага миллиондогон сом чыгым келтирген. Эске салсак, УКМКнын төрагасы Камчыбек Ташиев Кыргызстанда тапкан кирешесине жараша жашабаган шектүү судьялар бар экенин айтып, мындай фактылар иликтенерин билдирген.

2012-жылдын 13-сентябрынан Кыргыз Республикасынын Жогорку сотунун судьясы

Туулган жылы: 10.03.1967-ж.

Улуту: кыргыз

Жарандыгы: Кыргыз Республикасы

Билими: жогорку юридикалык, 1993-жылы Кыргыз Мамлекеттик Улуттук университетин аяктаган

Адистиги: укук таануу

Тил билүүсү: кыргыз, орус

ЭМГЕК ИШМЕРДҮҮЛҮГҮ

Азизбек КЕЛДИБЕКОВ, NazarNews.kg