Трамп Пекинди коркутту

Журналист: АЙСУЛУУ ТАЛАНТ

08.04.2025, 10:09

27969

дүйнө жүзүндө

АКШнын президенти Дональд Трамп, эгерде Кытай Вашингтондун тарифтерине жооп катары киргизген чараларды жокко чыгарбаса, 9-апрелден тарта Кытайдан келген товарларга кошумча 50% дык бажы алымдарын киргизүүгө убада берди.

«Мындан тышкары, Кытай тараптан сунушталган жолугушуулар боюнча бардык сүйлөшүүлөр токтотулат», - деп кошумчалаган Трамп.

<<Bloomberg» агенттиги белгилегендей, эгерде АКШ Кытайдан келген импортко кошумча тарифтерди киргизсе, анда бул өлкөдөн келген товарларга болгон жалпы жыйым 100% дан ашып кетиши мүмкүн.

• Дональд Трамп апрель айынын башында башка өлкөлөрдөн келген товарларга бажы алымдарын киргизген. Ал жылдар бою АКШ башка өлкөлөргө карата соода тоскоолдуктарын азайтып келгенин, ал эми бул өлкөлөр Американын продукцияларына «ири» тарифтерди киргизгенин билдирген.

Бажы алымдары киргизилген өлкөлөрдүн тизмесине Кытай дагы кирген. Кытайдын товарларына болгон бажы алымынын тарифи 34%ды түзгөн. Бул Пекин үчүн Трамптын экинчи президенттик мөөнөтүнө киришкенден берки Вашингтон тарабынан киргизилген үчүнчү бажы толкуну болуп саналат. Учурда Кытайдын бүт импортуна 54%дык бажы алымы алынууда.

• АКШнын аракеттерине жооп кылып, Кытай бийлиги 10-апрелден тарта Американын бүт импортуна 34%дык өлчөмдө кошумча бажы алымдарын киргизерин жарыялаган.