www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Орусия Украинага кол салгандан бери Түркмөнстан биринчи жолу Киевге гуманитардык жардам жөнөтүү ниетин билдирди.
Түркмөнстандын Тышкы иштер министрлиги тараткан маалыматка караганда, украин элине гуманитардык жардам апрель айынын аягына чейин жөнөтүлөт.
"Түркмөн элинин гуманизм салтына ылайык, Түркмөнстан украин элине апрелде гуманитардык жардам жөнөтөт", - деп айтылат билдирүүдө.
Маалыматка караганда, гуманитардык жүк медикаменттерден жана текстиль буюмдарынан турат.
Түркмөнстан Орусиянын Украинага кол салуусун айыптаган БУУнун добуш берүүсүнө катышкан эмес. Мамлекеттик жалпыга маалымдоо каражаттары Украинадагы согушту чагылдырышпайт. Бул арада өлкө Орусия менен салтуу байланышын бекемдөөнүн аракетинде. Москвага киргизилген санкциялардан кийин түркмөн бийлиги Орусияга экспорттоло турган өнүмдөрдүн көлөмүн көбөйтүүнүн үстүнөн иштеп жатат.
Булак: NazarNews.kg
< Предыдущий
Следующий >
Последние новости
