Анча оор эмес кылмыштарга шектелгендер камакка алынбай эркиндикте көзөмөлдөнөт. «Назарньюс» маалыматтык  порталынын билдиргенине караганда, Юстиция министрлиги Кыргызстанда кылмышка шек саналган адамдарды көзөмөлдөө үчүн колдонула турган электрондук билериктерди сыноодон өткөрүп жатат.

Кылмыш процессине электрондук билериктерди киргизүү жөнүндө сунуш кылган мыйзам долбоорун Жогорку Кеңеш колдоп, документ кабыл алынса иш бир топ жеңилдейт. Министрлик электрондук билериктер үй-бүлөлүк зомбулукка каршы күрөшүүдө натыйжалуу экенин кошумчалады. Мындай билерик тагылган адамдын кайда жүргөнү аныкталып, кайсы бир аймактарга баруусун чектейт.

Азизбек КЕЛДИБЕКОВ, NazarNews.kg