Украинанын экс-премьер-министри Николай Азаров РИА Новости агенттигине берген маегинде, Украинадагы тынчтыкты орнотуунун бирден-бир жолу Киев бийлигинин отставкага кетүүсү менен ишке ашарын айткан.

"Учурда дүйнө жүзүндө эң башкы маселе Украинадагы кан төгүүлөрдү токтотуу. Согушту токтотуу үчүн Киевдин учурдагы өкмөтү толугу менен отставкага кетиши керек ", - деп билдирет Азаров.

Белгилей кетсек, Владимир Путин Украинага баштаган согуштук аракеттеринин натыйжасында, Украинанын 1 миллиондон ашык жараны башка мамлекеттерде баш калкалап, эки тарап тең чоң аскердик жоготууларга дуушар болду. Учурда согушту токтотуу аракеттери жыйынтык бербей, күндөн-күнгө жоготуулардын саны артууда.

Булак: NazarNews.kg