www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Түркияга боор алмаштырууну үйрөнүүгө жөнөтүлгөн 30 адистин үчөө гана "жарактуу" болуп келди. Бул тууралуу Жогорку Кеңештин депутаты Улугбек Ормонов Социалдык саясат боюнча комитеттин жыйынында билдирди.
Эл өкүлү окууга жиберилген дарыгерлер кайтып келип жумушка алынбай, көчөдө калышканын айтты.
Алымкадыр Бейшеналиев ал саламаттык сактоо министри болгонго чейин эки бригада ОшМУ жана Медакадемия тарабынан Малатья шаарындагы университетке жиберилгенин белгиледи.
"Тизме түзүүдө башаламандык болуп жеке клиникалардан барып алышкан. Эки күн ичинде алар кишилерин кайра алып кетишти. Барып келгендердин айрымы клиникалык ординатураны жаңы бүтүп, жумушу жок жүргөндөр. Алардын боор алмаштырууга даярдыгы жок. Бирөө бир айдан кийин, калганы эки айын окубай башка клиникага иштегени кетип калган", — деди министр.
Аягында университет бул жактан барган 30 адистин үчөө гана боор алмаштырууга катыша алат деген чечим чыгарган.
Бейшеналиев кийин өзү көзөмөлдөп, "боор каякта экенин билген" 22 дарыгерди жөнөткөнүн билдирди. Анын айтымында, кеткендер азыр окуп жатат, келери менен иштеп башташат.
Жогорку Кеңештин социалдык комитети бул маселе боюнча жумушчу топ түзүп, жагдайды иликтемей болду.
Булак: NazarNews.kg
< Предыдущий
Следующий >
Последние новости
