2025-жылдын 4-апрелинде Жусуп Баласагын атындагы Кыргыз Улуттук университетинде «Жеңиш 9/45» долбоорунун алкагында Улуу Ата Мекендик согуштагы Жеңиштин 80 жылдыгына арналган агартуучулук иш-чара өтөт. Аталган иш-чара «Агартуучулук десант: Жеңиштин 80 жылдыгы жана нацизмге каршы күрөшүндөгү биримдик» деп аталат.

Иш-чаранын спикерлери:

— РФ Мамлекеттик Думасынын төрага орун басары, «Жеңиш 9/45» патриоттук кыймылынын уюштуруу комитетинин жетекчиси Борис Чернышов;

— Россиянын Аскердик-тарыхый коомунун илимий директору, Экинчи дүйнөлүк согуш тарыхы боюнча монографиялардын автору Михаил Мягков;

— шоу-бизнес жылдыздарына, саясатчыларга жана спортчуларга таанылган пранкерлер Вован жана Лексус.

Катышуучулар ошондой эле «28 панфиловчу» тасмасын көрө алышат.

Иш-чаранын негизги максаттары:

— тарыхый эс тутумду бекемдөө;

— тажрыйба алмашуу жана кесиптик өнүгүү үчүн аянтча түзүү;

— тарыхый чындыкты коргоо жана бурмалоого каршы туруу;

— жаштардын ата-бабаларынын эрдиктерине болгон урмат-сыйын арттыруу.

Иш-чарага студенттер, мугалимдер, коомдук ишмерлер, журналисттер жана Улуу Ата Мекендик согуш тарыхына кызыккан бардык адамдар чакырылат.

Өткөрүү убактысы жана орду:

Башталышы: саат 10:00

Жусуп Баласагын атындагы КУУ, Фрунзе көч., 547

Түз эфирди АНО «Евразия» уюмунун ВКонтакте коомдук баракчасынан көрө аласыз: https://vk.com/eurasia_npo

Уюштуруучу жөнүндө

АНО «Евразия» – эл аралык кызматташтыкты өнүктүрүүгө көмөктөшүүчү автономдуу коммерциялык эмес уюм. Ал салттуу баалуулуктарды сактоого жана этностор аралык мамилелерди чыңдоого багытталган гуманитардык долбоорлорду ишке ашырат.

«Евразия» коомго пайдалуу демилгелерди колдоп, ар кандай маданияттагы адамдарга бири-бири менен баарлашууга мүмкүнчүлүк берет. Ошондой эле билим берүү, медицина, жаштар алмашуусу тармагында долбоорлорду өнүктүрөт.

Уюмдун башкы багыттарынын бири — окуучуларды, студенттерди жана жаш адистерди колдоо. Долбоорлордун арасында билим берүү программалары, алмашуу программалары, ири мамлекеттик компаниялардагы стажировкалар жана медиамектеп бар. Мындан тышкары, «Евразия» мугалимдер үчүн кесиптик аянтчаларды жана форумдарды уюштурат, журналисттер менен блогерлерге гранттык колдоо көрсөтөт жана тарых менен маданиятты сактоо боюнча долбоорлорду илгерилетет.

Форумдун видеолорун бул шилтемеден көрө аласыз:

https://disk.yandex.ru/d/FrjIl4yPTEgG0Q