Коомдук ишмер жана журналист Эсенбай Нурушев: Мезгил-мезгили менен кыргыз туусун, гербин же гимнин өзгөртүп-жаңылоо аракеттери көрүлөт. Айрымдар – кыргыз туусу кызыл эмес, көк же жашыл болууга тийиш, анын азыркы түсү туура эмес болгондуктан, өлкө да өнүгө албай жатат дегенге чейин барат. Кыргыз гимнинин текстин кезинде – өмүр бою сөз менен иштеген Эл акыны Жалил Садыков эки вариантты бириктирип, иштеп чыгып, жеткилеңдикке жеткиргенине карабай, жаңы чилистендер андан да кыйкым таап, идеологиялык ката кетирген деп сындаган. Азыр ошондой какистократтардын заманы өмүр сүрө баштады...