Даректүү кинотасмалардын режиссёру Ибадылла Аджибаевдин «Доктор апа» деген акыркы фильми 3-7 октябрда Смоленск менен Минск шаарларында өткөн КМШ мамлекеттеринин «Евразия.DOC» аттуу даректүү тасмалар фестивалында атайын сыйлыкка ээ болду. Азыр Аджибаев Сары-Челек тууралуу экологиялык тасма тартып бүтүп, аны монтаждап жатат. Режиссёр ушул эмгектери жөнүндө маалымат бөлүшүп, чыгармачыл пландары тууралуу жана өмүр бою врач болуп иштеп, пенсияга чыккандан кийин кантип кино тармагына өтүп кеткени жөнүндө айтып берет.