2010-жылы Убактылуу өкмөттүн мүчөсү, мурдагы коргоо министри жана ЖК депутаты Исмаил Исаков: 2010-жылдын 10-июнунда башталган окуяларды – 7-апрелде болгон бийлик алмашуудан ажыратып карабаш керек. Бийликтен кулатылган президент Бакиев жана аны жактаган жетекчилер кайрадан бийликке келүүгө катуу аракеттенген, ошол эле учурда – 1990-жылдан бери кек сактап келген сепаратисттердин да аракеттери күчөгөн, ага кошумча – Ислам Каримов «үчүнчү тарап» деп атаган сырткы күчтөр да болгон. 2010-жылдын 9-июнунуда мен Россия президентинин «Кыргызстан боюнча атайын өкүлү» Рушайло менен жолукканда, ал – аламат чыгып кетсе, аны жөнгө салууга силердин күчүңөр жетеби деп сураган...