«Журналисттер» коомдук бирикмесинин төрагасы Нурдин Дүйшөнбеков: Маалымат каражаттары тууралуу жаңы мыйзам долбоорун бийлик журналисттерге айтпастан-көргөзбөстөн, алар менен пикир алмашпастан даярдап, былтыр күзүндө коомдук талкууга чыгарган. Журналисттер ага нааразы болгондо, беренелерди талкуулап, «бышыралы» деген максат менен атайын жумуш тобу түзүлгөн, бирок ал топтун жыйындарында текст талкууланбастан эле, процедуралык маселелер гана каралды. Ал ортодо болсо мыйзам долбоордун бир нече варианты пайда болуп, текст бир кыйла өзгөртүлүп, бешинчи вариант экинчи коомдук талкууга чыгып кетти. Бул кандай деген биздин суроолорго эч ким алгылыктуу жооп бере албай жатат....