Эки пенсионер – Турсунай Каримова жана Шааргүл Осмоналиева – бири кымбат машинесин, экинчиси Кой-Таштагы үйүн алдырып жиберген жана көп жылдан бери мүлкүн кайтырып ала албай келет, Осмоналиева болсо бир жыл 8 ай абакка да отуруп чыккан. Бирок аларды алдагандар – жөн гана көчөдө жүргөн шылуундар эмес, сот болуп иштеп, коомдо акыйкаттуулук орнотуууга милдеттүү болгондор. Каримова менен Осмоналиева – Бишкек шаарынын Ленин райондук сотунун төрайымы Кымбат Архарова жана анын күйөсү Султанбек Тыналиевдин атын атады. Эгер Архарова менен Тыналиев бул маселе боюнча интервью беребиз десе, NazarNews агенттиги алар менен дагы маектешкенге даяр