“Биз биринчи инвестициялык климатты оңдошубуз керек”, - деди NazarNews маалымат агенттигине Экономика илимдеринин доктору, профессор Айылчы Сарыбаев.

--“Биз баарынан мурун инвестициялык климатты оңдошубуз керек. Ишеним, тынчтык атмосферасы зарыл. Азырынча кардиналдуу бурулуш жок экенин өкмөт да танган жок. Парламентте бюджетти талкуулап жатканда премьер-министрлер башка жетекчилер муну моюнга алышты.  6-7 айда өзгөчө өнөр жай тармагы абдан артка кетти. Кумтөрдөн түшкөн салык аз болууда. Пландык негизде иш-аракеттер көрүлүп жаткандыр. Бирок азыркы мезгилде элдин көзүнө көрүнгөн, алгылыктуу иштер байкалбайт. Өрүк кургатуучу цехтерди жана башка фабрика, заводдорду куруу зарыл. Буга чейин ачылган цехтер, чакан фабрикалар жанданып, ишке кирип кеткен жери жок. Ошондуктан баарын көзөмөлдөө зарыл”, - дейт профессор.

Булак: NazarNews.kg