Бишкек шаарында добуш сатып алуу фактысы катталды, деп билдирди бүгүн, 27-ноябрда Бишкек ШИИББдин басма сөз кызматы.

26-ноябрда Биринчи май РИИБге аял киши кайрылып, үгүт маалында саясий партиялардын бирине жана бир мандаттуу округдагы талапкер үчүн 3 миң сомго добуш сатып алууга аракеттенген Н. аттуу жаранга чара көрүүнү суранып кайрылган.

Аталган факт КЖБРга Жазык кодексинин 192-беренеси (Шайлоочуларды сатып алуу) менен катталып, сотко чейинки өндүрүш иши башталган.

Милиция кызматкерлери кылмышка шектүү жарандарды аныкташты. Алар: Н.Б. жана 1996-жылы туулган Ч.А. аттуу жарандар экени белгилүү болду.

Милиция кызматкерлери шектүүлөрдүн унааларын текшерип, 76 миң 700 сом акча табышты.

Тергөө уланууда.

Булак: NazarNews.kg