Бүгүн, 14-сентябрда эртең менен кайрадан кыргыз-тажик чек арасында ок атылды.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от NazarNews.org (@nazarnews_org)

Ал эми чек арадагы атышууда тажик тараптын минамёт колдонуп жатканы айтылууда.

УКМКнын Чек ара кызматы билдиргендей, Кыргызстандын чек ара кызматкерлери Баткендин Булак-Башы тилкесинде кызмат өтөп жаткан учурда Тажикстандын чек арачыларын байкашкан. Алар мурда түзүлгөн келишимдерди бузуп, такталбаган чек ара тилкесинде күжүрмөн позицияларды ээлешкен.

“Тажикстандык чек арачылар кыргыз тараптын тилкеден чыгып кетүү боюнча мыйзамдуу талаптарына баш ийбей, ок чыгарган. Жооп катары кыргызстандык чек арачылар дагы ок чыгарган. Ок атышууда тажик тарап миномет колдоно баштаган. Атышуудан эки кыргызстандык чек арачы жарадар болду”, - деп айтылат маалыматта.

Ал эми саат 14:00гө карата Баткендин Как-Сай жерлигинде Тажикстандын чек арачылары Кыргызстандын “Достук” чек ара заставасы көздөй ок чыгарышкан. Бирок ок атышуу саат 14:40ка карата токтогон.

Алар атышуунун жагдайын тактоо максатында чыр болгон жерлерди кыдырып жатканы кошумчаланды. ӨКМ чек арага жакын жашаган аймактардын элинин коопсуздугу көзөмөлдө экенин айтып, аларды эвакуациялоо тууралуу буйрук келбегенин билдирди. Зарылчылык жаралса алып чыгып кетүүгө даяр турушат.

Эртең менентен бери Баткендин Булак-Башы, Как-Сай жана Паскы-Арык аймактарында атышуу болду. Кыргыз тараптан эки жоокердин жараат алганы айтылды.

Булак: NazarNews.kg