Жакында эле “Чыпалак баатыр” каймана аты менен таанылган Зарылбек Аликенов Инстаграмм баракчасына күйөрмандарынын биринен келген “Мотуевге “раз на раз” чыгасыңбы?” деген суроосуна “Жекеме-жеке чыккандай Мотуев - Чак Норрис, мен - Брюс Ли белем? Мен Зарылбек болуп жатпаймынбы. Мотуевди мен негизи көрө элекмин. Бир эки жолу телевизордон көргөм, түзмө-түз “живой” жолуга элекмин. Ал деле адам да. Аны сыйлайм. Бирок “раз на раз” деле чыга берем” деп жооп берген.

Буга жооп кылып “Көмүр королу” аталган Нурлан Мотуев “Чыпалак баатырга” жооп кайтарды. 

“Кой үкө, антпе. Бирибизди биринчи “революция баатыры”, “көмүр королу”, президентке талапкер катары бүт КМШ таанып атса, экинчибизди кара күч баатыры катары таанып, сыйлап атса, анан экөөбүз рингге чыгып алып мушташып жүрсөк бизди көргөн кийинки муун кандай тарбия алат.  Андан көрө менин жазам бүтсө, экөөбүз түзүүчү көп долбоорлор бар. Мисалы, чоогуу чыгып рэп ырдайбызбы же кызыктуу шоу программа түзөбүзбү же киного тартылабызбы. Жазам бүтүшүнө дагы эки жыл бар...”, -дейт Мотуев.

Булак: NazarNews.kg