Москва шаарында мас абалындагы полиция кызматкери өспүрүм кызды атып салган окуя видеотасмага тартылып калган. Видеотасмада укук коргоо органынын кызматкери катуу алкоголдук мас абалда болгондугу жана ал тургай бутуна тура албай, тапанча шилтеп жаткандыгы көрүнүп турат.

Окуучу кыз ушул тапта такыр ээсин жоготкон абалда отургучта отурат. Эркек киши кыздын үстүнөн эңкейип, өөп жаткан учурда ал эч кандай реакция кылбайт. Андан кийин полиция кызматкери асманга ок чыгарат, кийинчерээк дагы бир жолу ок чыгарат, бирок кызга.

Полиция кызматкери жабырлануучу менен көпкө отурган жок, ал бир аз убакыттан кийин кызды отургучта калтырып, кетип калган.

Орус басылмалары жазып чыккан маалыматка ылайык, полиция кызматкери окуучу кыздын бутуна ок чыгарган.

Учурда шектүү кармалып, ага карата “бейбаштык” беренеси боюнча иш козголгон.

Булак: NazarNews.kg