Орусиянын президенти Владимир Путин Крым көпүрөсүнө келип, куруучулар менен сүйлөшүп, анын үстүнөн автоунаа менен өтүп кетти.

Кремлдин басма сөз кызматы билдиргендей, 5-декабрда оң тарабындагы көпүрө жол кыймылы үчүн ачылды.

Оң тарабындагы бузулган аралыктарды демонтаждоо жана алмаштыруу октябрь айынын ортосунан баштап ишке ашырылган – ал кездеги унаалардын кыймылы сол тарапта болгон. Вице-премьер-министр Марат Хуснуллин сол капталындагы 4 аралыгы да бузулуп, алмаштыруу керектигин билдирди.

Мындан тышкары, көпүрөнүн темир жол бөлүгүндөгү экинчи жолду 6-7 айдын ичинде калыбына келтирүү пландалууда.

Белгилей кетсек, оңдоо иштерине күнү-түнү иштеген 500 адам тартылган. 55 күндүн 22 күнүндө бороондуу аба ырайы курулуш иштерине тоскоол болгон.

Эске салсак, 8-октябрда Крым көпүрөсүндө жарылуу болуп, андан кийин ал жерде өрт чыгып, үч адам каза болгон.

Булак: NazarNews.kg