Оренбургда бир адам лифтке кирип, кокустан өзүн-өзү өрттөп алып, лифттин эшиктери ачылганда гана качканга үлгүргөн.

Интернетте пайда болгон видео кадрларда каарман колунда идиштеги суюктук менен лифтке кирип, ага от коюп жибергенин көрүүгө болот. Кадрларга карай турган болсок, идиштин ичинде алкоголодук ичимдик болгон. Өрт бир заматта тутанган. Киши отту күрмөсү менен өчүрүүгө аракет кылган, бирок ал дагы күйүп кеткен. Отту өчүрүү аракетинде киши эсин жоготуп, так өрттүн үстүнө кулап калган. Бир нече секунддан кийин лифттин эшиктери ачылганда адам өзүнө келип, араңдан-зорго качып кутулган.

Кадрларда анын буттары күйүп, колунан жаракат алганын көрүүгө болот.

Булак: NazarNews.kg