АКШнын президенти Джо Байден Ак үйдөгү салтанатта сөз сүйлөп жатып эки жолу сөзүнөн жаңылды. Анын сөзү CBS телеканалы аркылуу көрсөтүлдү. «Америка - бул бир сөз менен аныктала турган эл. Мен астында болчумун... астында... Кечиресиз, мен Си Цзиньпин менен Гималайдын этегинде болгом. Мен аны менен бирге жүрдүм, мен вице-президент болуп турганда 17 000 миля жол жүрдүк. Так эсимде жок», - деди ал.

Баяндама учурунда Байден Америка Кошмо Штаттарын бир сөз менен «мүмкүнчүлүктөр» деп мүнөздөй аларын айтты. Анын айтымында, ал бул темага Кытай лидери менен болгон жолугушууда токтолгон.

Бул америкалык лидердин олку-солку жана тили менен медианын көңүлүн бурган биринчи учуру эмес. Тактап айтканда, апрелдин башында Байден АКШнын мурдагы президенти Барак Обаманын жубайы, биринчи айым Мишелди мурдагы вице-президент деп атаган, бирок Обаманын учурунда Байден өзү вице-президент болгон.

Мындан тышкары, ал бир нече жолу азыркы вице-президент Камала Харристи президент деп атаган, орус лидери Владимир Путиндин да атын туура эмес айтып, «вакцинация» менен «эскалация» деген сөздөрдү, ошондой эле, Сирияны Ливия менен, Иракты Иран менен чаташтырган.

Булак: NazarNews.kg