Жогорку Кеңештин депутаты Тазабек Икрамовдун тойдо ырдап, түшкөн кыстырманы чөнтөгүнө салып жаткан видеосу бүгүн, 22-январда интернет айдыңында кызуу талкууга алынып жаткан кези.

Видеодо эл өкүлү созолонто ырдап, тойдогу коноктордун кыстырмаларын чөнтөгүнө салып жатканын көрүүгө болот.

Эскерте кетсек, буга чейин депутат Тазабек Икрамовдун радиодо ырдаган видеосу коомчулукта бир топ жакшы пикирилерди жараткан.

Көпчүлүк Тазабековду «ырчы болчудай эле жигит экен» деп сыпатташкан.

Өз кезегинде Жогорку Кеңештин дагы бир депутаты Дастан Бекешев да Тазабек Икрамов менен тең жарышып белгилүү «Жулия» деген ырга кавер жасап, көпчүлүктү таң калтырган.

Мына ушул окуялардан кийин парламенттегилер кесибин туура эмес тандап алганбы деген ой кетет.

Булак: NazarNews.kg