Кыргызстандын калкынын 25 пайызы эмдөөдөн өттү. Бул тууралуу бүгүн, 17-августта “Кыргызстандагы эмдөө кампаниясы” аталышындагы жолугушууда Саламаттыкты сактоо минитсрнинин орун басары Улук-Бек Бектурганов билдирди.

--“Кыргызстанда колдонулган “Sinopharm” вакцинасынын эффективдүүлүгү 80 пайызга, “Sputnik V” 95 пайызга чейин жетет.

Демек, калктын иммунитетин өстүрүү үчүн калктын 70 пайызы коронавируска каршы вакцина алышы зарыл. Бүгүнкү күндө өлкө калкынын 25 пайызы эмдөөдөн өттү. Ал эми экинчи дозаны алган жарандар 17 пайызды түзөт”,- деди министрдин орун басары.

Кошумчалай кетсек, Кыргызстанда COVID-19га каршы эмдөө быйыл март айында башталган.

Булак: NazarNews.kg