1945-жылы АКШ Японияга атом бомбасын таштаган. Ошол күндөн баштап өзөктүк курал дүйнөдөгү адамзаттын жүрөктөрүн түпөйүл кылып келе жатат. Ядролук согуштун тобокелдиктери азыр абдан олуттуу, бул коркунучту баалабай коюуга болбойт, деди тышкы иштер министри Сергей Лавров Биринчи каналга берген маегинде: «Тобокелдиктер абдан, абдан маанилүү, мен бул тобокелдиктердин жасалма түрдө көтөрүлүшүн каалабайм жана каалагандар көп. Коркунуч олуттуу, бул реалдуу, аны баалабай коюуга болбойт», - деди министр.

Лавров январь айында «ядролук бештиктин» өлкөлөрү, анын ичинде Орусия да ядролук согушка жол берилбестиги жөнүндөгү тезисти тастыктаганын эскерткен: «Бул биздин принципиалдуу позициябыз. Биз андан чыгабыз», - деп кошумчалады Лавров.

Орусиянын президенти Владимир Путин февраль айынын аягында, Орусиянын Украинадагы согуштук аракеттеринин башталышынан 3 күн өткөндөн кийин, Стратегиялык Тоскоолдук Күчтөрүн (SSS) өзгөчө күжүрмөн режимге өткөрүүгө буйрук берди. 28-февралда Орусиянын Коргоо министри Сергей Шойгу буйруктун аткарылышы тууралуу маалымат берип, стратегиялык ракеталык күчтөрдүн, Түндүк жана Тынч океан флотунун жана алыс аралыкка учуучу авиациянын нөөмөтчүлөрү күчөтүлгөн курам менен күжүрмөн кызматка киришкенин билдирди.

Сергей Лавров Украинадагы согуштун акыры эмне менен бүтөөрүн айтты. Украинадагы чатак кепке келүү менен аяктайт, бирок келишим түзүп жатканда анын параметрлери аскердик аракеттердин стадиясы менен аныкталат: «Курал колдонулган учурда кандай гана кырдаал болбосун келишим менен аяктайт. Бирок анын параметрлери келишим реалдуу боло турган аскердик аракеттердин ошол стадиясы менен аныкталат», — деген ал.

Лавров ошондой эле, украин эли мындан ары кандай жашаш керектигин өздөрү тандап алганы маанилүү экенин белгилеген: «Путин билдирүүсүндө башынан эле атайын операция деп жарыялагандай, ири алдыда украин эли кандай жашаш керектигин өзү чечишин каалайбыз», — деген Лавров.

 Бириккен Улуттар Уюмунун Баш катчысы Антониу Гутерриш шейшембиде Москвага барды. Орус тышкы иштер министри Сергей Лавров менен кездешүүдөн кийинки басма сөз жыйында Гутерриш Мариуполдогу карапайым адамдарды куткарып калуу үчүн БУУ бар аракетин жумшоого даяр деп билдирди. Дээрлик эки айдан бери орус аскерлеринин курчоосунда калган шаар аткылоо, бомбалоолордон улам урандыларга айланды.

Баш катчы Кызыл Крест комитети менен бирге «Азовсталь» заводунун аймагынан элди чыгарып кетүү үчүн гуманитардык коридор камсыздоого даярдыгын айтты. Ошондой эле Украинадагы согуш кылмыштары тууралуу маалыматтарды көз карандысыз иликтөөгө чакырды.

Лавров Киевдин өкүлдөрү сүйлөшүүлөргө олуттуу мамиле кылбаганын айтып, Батышты Украинаны "куралга шыкап жатат" деп сындады. «Мындай иш улана берсе, сүйлөшүүлөрдөн майнап чыкпайт. Бирок биз сүйлөшүүлөр жараяны уланышын карманабыз», - деп айтты министр. Ал тынчтык келишимине жетүү аскердик абалга байланыштуу болорун белгилеген. Орусиянын президенти Владимир Путин менен БУУнун баш катчысы Антониу Гутерриштин Москвадагы сүйлөшүүсү бир саатка жакын созулду. Бул тууралуу CBS телеканалынын кабарчысы Памела Фальк Гутеррештин өкүлүнө шилтеме берүү менен Twitter баракчасында билдирди. Убакыттын бир бөлүгүндө Путин менен Гутерриш жабык эшик артында сүйлөштү. Кремлдин басма сөз кызматы билдиргендей, Гутерриш Путинди Украинадагы кырдаалды, анын ичинде Мариуполдогу кырдаалды талкуулоого чакырды.

БУУнун баш катчысы 2021-жылдын май айында Москвага барган, бирок коронавирустук чектөөлөрдөн улам Путин менен байланыш видео байланыш аркылуу болгон. Саясатчылар акыркы жолу бетме-бет 2020-жылдын январында Берлинде көрүшкөн.

Гутерриш 25-апрелде Анкарага барган. Ал эми 28-апрелде БУУнун баш катчысы Киевде болушу күтүлүүдө. Мындай маршрутту украин президенти Владимир Зеленский сындап, адегенде Украинага барып, кыйроолорду өз көзү менен көрүүгө тийиш деп айткан.

Сергей Лавров Киевге Батыш берген куралдар, анын ичинде Javelin террорчулардын колуна тийип, Батыш өлкөлөрүнө кайтып барышы мүмкүн экенин эскертти. Жазды:

"Javelin — бул дагы алып жүрүүгө ыңгайлашкан танкалар үчүн ойлонулган нерсе. Аны менен террордук чабуулдарды жасоого болот. Эми алар кайсы жакка түшүп жатат? Мурдагы тажрыйба көрсөткөндөй, начар көзөмөл болгон өлкөдөн, өзгөчө Украинадан башкы командачылыкка баш ийбеген, өзгөчө неонацисттик батальон жана башка бөлүктөр эрдемсип, мактанып, аталган мамлекеттин куралдуу күчтөрүнүн катарына кирип алат да, анан куралды пайдалана баштайт. Булардын ичинде өздөрү жөнөткөн өлкөлөр да болуп калышы мүмкүн", — деген Лавров.

Азизбек КЕЛДИБЕКОВ, NazarNews.kg