Быйыл Жалал-Абад – Маданият жолунун 20 чакырым аралыгына асфальт төшөлөт. Бул тууралуу Өкмөттүн Жалал-Абад облусундагы ыйгарым укуктуу өкүлү Абсаттар Сыргабаев жол курулушун жүргүзүп жаткан “Азвирт” компаниясынын жана Транспорт, архитектура, курулуш жана коммуникациялар министрлигинин өкүлдөрү менен жолугушуу учурунда белгилүү болду. 

3 тараптуу жолугушууда өкмөт өкүлү жол куруу иштерин тездетүү, белгиленген мөөнөтүндө аягына чыгаруу керек экенин эскертти.

 Ошол эле учурда жолдун курулушу тууралуу элге байма-бай маалымат берип туруу маселеси айтылды. Асфальтталып жаткан Жалал-Абад - Маданият жолунунун узундугу 67 чакырымды түзөт. 

Былтыр 16 чакырым аралыгына асфальт төшөлгөн. Жолдун курулушун 2022-жылдын июнь айында бүткөрүү пландалган.

Булак: NazarNews.kg