Өлкөдө Энергетика министрлиги тарабынан тармактагы жүргүзүлүп жаткан кеңири масштабдагы реформалардын, модернизациялоонун жана инфраструктураны системдүү жаңылоонун алкагында “КУЭТ” ААКнын филиалы — Жалал-Абад электр тармактар ишканасы тарабынан  2026- жылдын март айынан тартып ноябрь айына чейин Жалал-Абад облусунда 3534 даана мамыча орнотулат.

Бул иштер энергетикалык коопсуздукту чыңдоого, электр менен камсыздоонун ишенимдүүлүгүн арттырууга жана тармактын техникалык базасын заманбап талаптарга шайкеш келтирүүгө багытталган.

2026-жылы облус аймагында 10-0,4 кВ аба чубалгылары боюнча 380 даана жаңы мамыча орнотулат. Алар төмөнкү райондордо жайгашат:

• Аксы району — 78 даана;
• Ала-Бука району — 29 даана;
• Базар-Коргон району — 20 даана;
• Манас району — 93 даана;
• Кара-Көл шаары — 25 даана;
• Майлуу-Суу шаары — 18 даана;
• Ноокен району — 26 даана;
• Сузак району — 27 даана;
• Таш-Көмүр шаары — 64 даана;

Мындан тышкары, тармакты комплекстүү жаңылоо максатында 3154 даана эскирген жыгач мамычалар заманбап темир-бетон мамычаларга алмаштырылат. Бул иштер төмөнкү аймактарда жүргүзүлөт:

• Аксы району — 240 даана;
• Ала-Бука району — 326 даана;
• Базар-Коргон району — 558 даана;
• Манас району — 226 даана;
• Кара-Көл шаары — 89 даана;
• Көк-Арт аймагы — 414 даана;
• Майлуу-Суу шаары — 122 даана;
• Ноокен району — 433 даана;
• Сузак району — 415 даана;
• Таш-Көмүр шаары — 77 даана;
• Токтогул району — 169 даана;
• Чаткал району — 85 даана;

Жүргүзүлүп жаткан модернизация иштери авариялык өчүүлөрдү азайтып, жүктөмдөрдү туруктуу көтөрүүгө шарт түзөт жана керектөөчүлөргө сапаттуу, үзгүлтүксүз электр энергиясын жеткирүүгө өбөлгө болот. 

Жогоруда аталган иштерди аткаруу үчүн пайдаланылуучу мамычалар Базар-Коргон шаарында жайгашкан Жалал-Абад электр тармактар ишканасынын темир-бетон буюмдарын чыгаруу цехинде даярдалат.

Энергетика тармагындагы бул системдүү өзгөрүүлөр — өлкөнүн туруктуу өнүгүүсүнүн жана калктын жашоо сапатын жогорулатуунун негизги багыттарынын бири.

Керектөөчүлөр үчүн байланыш:
105
0772 00 12 09
0556 00 12 09
WhatsApp: 0702 00 12 09