www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Казакстандын Жамбыл облусунда айылдык мектептин окуучусу ур-токмоктон каза болду. Бул окуя тууралуу журналист Данияр Алимкул «Фейсбук» баракчасына жазды.
Анын айтымында, Байзак районунун Кумжота айылындагы орто мектептин 9-классынын окуучусу 8-класстын окуучусун көчөдөгү дааратканада сабап, ал каза болгон.
Райондук билим берүү башкармалыгы 30-апрелде бул кайгылуу окуя боюнча кылмыш иши козголгонун, мектеп жетекчилигине карата кызматтык иликтөө башталганын билдирди.
Полиция 8-класстын окуучусун өлтүрүүгө жашы жете элек өспүрүм шектелип жатканын, ал тергөө абагына киргизилгенин кабарлады. Мындан тышкары мектептин жетекчилиги менен кызматкерлерине карата «балдардын ден соолугунун жана өмүрүнүн коопсуздугун камсыз кылуу боюнча милдеттерди талаптагыдай аткарбагандыгы» үчүн тергөө башталды.
30-апрель күнү кечинде Жамбыл облустук ички иштер башкармалыгы социалдык тармактарда майрамдык иш-чаралардын алдында «укук бузуулардын жана кылмыштуулуктун алдын алуу, ошондой эле жашы жете электердин кылмыш чөйрөсүнө аралашуусуна жол бербөө максатында» жаштар көп чогулган жерлерде тартип сакчыларынын санын көбөйткөнүн маалымдаган.
Булак: NazarNews.kg
< Предыдущий
Следующий >
Последние новости
